წესები და პირობები

მომსახურების მიმწოდებელითამარ გელიაშვილი (ბრენდი „Webico“)
საიდენტიფიკაციო ნომერი01024088829
მისამართითბილისი, საქართველო
ტელეფონი+995 557 64 32 25
ელფოსტაhello@webico.io
ვებსაიტიwebico.io

1. ზოგადი დებულებები

ეს წესები და პირობები („პირობები“) არეგულირებს ურთიერთობას ვებსაიტ webico.io-ს მფლობელსა და მომსახურების მიმწოდებელს („Webico“, „ჩვენ“) და მომხმარებელს („კლიენტი“, „თქვენ“) შორის, რომელიც იყენებს საიტს, აკეთებს შეკვეთას ან იხდის ჩვენს მომსახურებაში.

შეკვეთის გაკეთებით ან გადახდით ადასტურებთ, რომ გაეცანით და ეთანხმებით ამ პირობებს, ასევე კონფიდენციალურობის პოლიტიკას, გაუქმებისა და დაბრუნების პოლიტიკას და მიწოდების პირობებს. თუ კონკრეტულ პროექტზე ცალკე წერილობითი ხელშეკრულება გაფორმდა, მისი პირობები უპირატესია.

2. მომსახურება

Webico აწვდის ციფრულ მომსახურებას. ფიზიკურ საქონელს არ ვყიდით და არ ვაგზავნით. მომსახურება მოიცავს:

ვებსაიტის დიზაინსა და დამზადებას (მათ შორის WordPress, ონლაინ მაღაზია, UI/UX დიზაინი);
„საიტი გამოწერით“ — საიტის აწყობას, ჰოსტინგსა და მოვლას ყოველთვიური გადასახადით;
საიტის ტექნიკურ მხარდაჭერას (მოვლის პაკეტები);
SEO ოპტიმიზაციას, ციფრულ მარკეტინგს და დამატებით მოდულებს (ჩატბოტი, ონლაინ ჯავშანი, მეორე ენა და სხვ.).

თითოეული პაკეტის შემადგენლობა და ფასი მითითებულია გვერდებზე ფასები და სერვისები, ან ინდივიდუალურ შეთავაზებაში.

3. შეკვეთა

შეკვეთა კეთდება საიტის კონფიგურატორით (webico.io/start), საკონტაქტო ფორმით, კონსულტაციის დაჯავშნით ან ელფოსტით.
შეკვეთის მიღების შემდეგ 1 სამუშაო დღეში გიკავშირდებით დეტალების დასაზუსტებლად.
„საიტი გამოწერით“ პაკეტში გადახდა იწყება მხოლოდ მას შემდეგ, რაც საიტის დიზაინს დაამტკიცებთ.
ინდივიდუალურ პროექტებზე სამუშაოს მოცულობა, ვადები და ღირებულება წინასწარ, წერილობით (მათ შორის ელფოსტით) თანხმდება.

4. ფასები და გადახდა

ფასები მითითებულია ქართულ ლარში (₾). დღგ, მისი არსებობის შემთხვევაში, ინვოისში ცალკე აისახება.
გადახდა შესაძლებელია ბანკის ონლაინ გადახდის სისტემით (საბანკო ბარათით) ან საბანკო გადარიცხვით ინვოისის საფუძველზე.
ბარათის მონაცემებს Webico არ იღებს და არ ინახავს — გადახდას ამუშავებს ბანკი ან ლიცენზირებული გადახდის მომსახურების პროვაიდერი, დაცული კავშირით.
ყოველთვიური გამოწერა: გამოწერისას თანხმობას აცხადებთ, რომ თქვენი ბარათიდან ყოველთვიურად (ან წლიურად, არჩეული პერიოდის მიხედვით) ავტომატურად ჩამოიჭრება პაკეტის ღირებულება გამოწერის გაუქმებამდე. ჩამოჭრის თარიღი ემთხვევა პირველი გადახდის რიცხვს.
ერთჯერადი პროექტები: როგორც წესი, იხდება ავანსი სამუშაოს დაწყებამდე და დარჩენილი თანხა — მიღება-ჩაბარების შემდეგ, შეთავაზებაში მითითებული პირობებით.
ფასის ცვლილებას მოქმედ გამოწერაზე შეგატყობინებთ მინიმუმ 30 დღით ადრე. თუ ახალ ფასს არ ეთანხმებით, შეგიძლიათ გამოწერა გააუქმოთ ცვლილების ძალაში შესვლამდე.
გადახდის დაგვიანებისას უფლება გვაქვს, შეტყობინების შემდეგ, დროებით შევაჩეროთ მომსახურება (მათ შორის ჰოსტინგი) დავალიანების დაფარვამდე.

5. გამოწერის ვადა და გაუქმება

„საიტი გამოწერით“: მინიმალური ვადა — 12 თვე. ამის შემდეგ გამოწერა ავტომატურად გრძელდება თვიურად და შეგიძლიათ გააუქმოთ ნებისმიერ დროს, 30 დღით ადრე შეტყობინებით.
მოვლის პაკეტები: უქმდება ნებისმიერ თვეს, მომდევნო საანგარიშო პერიოდიდან. „SEO + მოვლა“ პაკეტის მინიმალური ვადაა 3 თვე.
გაუქმებისა და თანხის დაბრუნების დეტალები იხილეთ გაუქმებისა და დაბრუნების პოლიტიკაში.

6. კლიენტის ვალდებულებები

დროულად მოგვაწოდოთ საიტისთვის საჭირო მასალა: ტექსტები, ფოტოები, ლოგო, წვდომები.
მოწოდებულ მასალაზე გქონდეთ გამოყენების უფლება და ის არ არღვევდეს მესამე პირის უფლებებს ან კანონს.
საიტი არ გამოიყენოთ უკანონო საქმიანობისთვის, სპამისთვის ან მავნე კონტენტის გავრცელებისთვის.

მასალის დაგვიანება ვადებს შესაბამისად წაანაცვლებს.

7. საკუთრება და უფლებები

დომენი რეგისტრირდება კლიენტის სახელზე. კლიენტის მიერ მოწოდებული ტექსტები, ფოტოები და ლოგო კლიენტის საკუთრებაა.
ერთჯერადი პროექტი: სრული ანგარიშსწორების შემდეგ საიტის დიზაინისა და კოდის გამოყენების უფლება კლიენტს გადაეცემა.
„საიტი გამოწერით“: გამოწერის განმავლობაში საიტის დიზაინი და კოდი გამოიყენება ლიცენზიით. 12 თვის შემდეგ კლიენტს შეუძლია გამოისყიდოს საიტის კოდი შეთანხმებულ ფასად და გადაიტანოს სხვა ჰოსტინგზე.
Webico იტოვებს უფლებას, დასრულებული საიტი წარმოადგინოს პორტფოლიოში, თუ კლიენტი წინააღმდეგი არ არის.

8. ჰოსტინგი და ხელმისაწვდომობა

პაკეტებში შემავალი ჰოსტინგი მიეწოდება სანდო მესამე მხარის ჰოსტინგ-პროვაიდერის ინფრასტრუქტურაზე. ვზრუნავთ საიტის უწყვეტ მუშაობაზე, ვაკეთებთ სარეზერვო ასლებს და ვაკვირდებით მუშაობას, თუმცა ვერ გავცემთ 100%-იან გარანტიას ტექნიკურ შეფერხებებზე, რომლებიც ჩვენი კონტროლის მიღმაა (პროვაიდერის, ქსელის ან ფორს-მაჟორული გარემოებები).

9. პასუხისმგებლობის შეზღუდვა

Webico არ აგებს პასუხს არაპირდაპირ ზიანზე (მათ შორის მიუღებელ შემოსავალზე), რომელიც გამოწვეულია საიტის დროებითი მიუწვდომლობით, მესამე მხარის სერვისების შეფერხებით ან კლიენტის მიერ მოწოდებული მასალით. ჩვენი პასუხისმგებლობის მაქსიმალური ოდენობა შემოიფარგლება კლიენტის მიერ ბოლო 3 თვეში გადახდილი თანხით. SEO-სა და მარკეტინგის შედეგები დამოკიდებულია საძიებო სისტემებსა და ბაზარზე, ამიტომ კონკრეტულ პოზიციას ან გაყიდვების რაოდენობას არ ვაძლევთ გარანტიას.

10. პირობების ცვლილება

პირობები შეიძლება განახლდეს. ცვლილებები ქვეყნდება ამ გვერდზე, განახლების თარიღის მითითებით. მოქმედი გამოწერის მფლობელებს არსებით ცვლილებებს ელფოსტით შევატყობინებთ.

11. დავების გადაწყვეტა

პირობები რეგულირდება საქართველოს კანონმდებლობით. დავებს პირველ რიგში მოლაპარაკებით ვწყვეტთ; შეთანხმების ვერ მიღწევის შემთხვევაში დავა განიხილება საქართველოს სასამართლოში.

კითხვების შემთხვევაში მოგვწერეთ hello@webico.io-ზე ან დაგვირეკეთ +995 557 64 32 25.